"Napoli" hujumchisi Viktor Osimxen "Bavariya"ga o‘tmoqchi.

Myunxen grandi A Seriyaning eng yaxshi to‘purari bo‘lish uchun yagona da’vogarga jiddiy qiziqmoqda. Xabaringiz bor, nigeriyalik futbolchini o‘z safiga "Manchester Yunayted" va "Pari Sen-Jermen" klublari ham qo‘shib olmoqchi. Insayder Florian Plettenbergning so‘zlariga ko‘ra, 24 yoshli futbolchining o‘zi "Bavariya"ga o‘tmoqchi. Nemis klubi uchun muammo "Napoli"ning so‘rovi bo‘lishi mumkin - taxminan 150 million yevro. Qayd etilishicha, myunxenliklar bu kelishuvga Sadio Maneni qo‘shishga tayyor, ammo neapolliklar senegallik yulduzninn maoshini ko‘tara olmaydi. Hozircha muzokaralar boshlanmagan.