"Наполи" ҳужумчиси Виктор Осимхен "Бавария"га ўтмоқчи.
Мюнхен гранди А Сериянинг энг яхши тўпурари бўлиш учун ягона даъвогарга жиддий қизиқмоқда. Хабарингиз бор, нигериялик футболчини ўз сафига "Манчестер Юнайтед" ва "Пари Сен-Жермен" клублари ҳам қўшиб олмоқчи. Инсайдер Флориан Плеттенбергнинг сўзларига кўра, 24 ёшли футболчининг ўзи "Бавария"га ўтмоқчи. Немис клуби учун муаммо "Наполи"нинг сўрови бўлиши мумкин - тахминан 150 миллион евро. Қайд этилишича, мюнхенликлар бу келишувга Садио Манени қўшишга тайёр, аммо неаполликлар сенегаллик юлдузнинн маошини кўтара олмайди. Ҳозирча музокаралар бошланмаган.
