Frankfurtning “Ayntraxt” klubi sport direktori Markus Kreshe “Bavariya”ning hujumchi Randal Kolo Muaniga qiziqishi haqida fikr bildirdi.
"Hozircha "Bavariya"dan ham, boshqalardan ham aniq so‘rovlar bo‘lgani yo‘q. Albatta, Randal o‘z harakatlari bilan e’tiborni tortdi. Unga "Bavariya"dek klub ham qiziqish bildirishi normal holat. Ammo "Bavariya" uni sotib olmoqchi bo‘lgan yagona klub emas. Boshqa tomondan, Kolo Muani hali ham biz bilan o‘zini juda qulay his qilmoqda, uning biz bilan juda yaxshi ishlashi mumkin bo‘lgan imkoniyatlari bor", - deya Kreshedan iqtibos keltiradi Sky Sports.
Avvalroq, "Ayntraxt" Kolo Muani bilan kamida 100 million yevro va bonuslar evaziga xayrlashishga tayyorligi xabar qilingandi.
Fransiyalik futbolchi o‘tgan yozdan buyon “Ayntraxt” safida to‘p surmoqda, uning shartnomasi 2027 yilga mo‘ljallangan. Joriy mavsumda u klub safida barcha turnirlarda 40 ta o‘yinda maydonga tushib, 20 ta gol urdi va 14 ta golli uzatmani amalga oshirdi.
