Madridning "Real" klubi Yevropadagi eng kuchli tarkiblardan biriga ega. Ammo jamoaning ayrim futbolchilari yangi bitimga imzo chekmaydigan bo‘lsa, ular "qirollik klubi"dan ketishiga to‘g‘ri keladi. Karlo Anchelotti shogirdlari ayni damda La-liga jadvalida ikkinchi o‘rinni egallab turibdi. Jamoa YECHL yarim-final bosqichiga yetib kelgan. "Real" tarkibining o‘rtacha yoshi 27.2ni tashkil etadi va bu yosh va tajribaning ajoyib qorishmasidir. Afsuski, shunday jamoadan ayrim tajribali futbolchilar ketishi mumkin. Ularni kim ekanligini quyida bilib olasiz.
Karim Benzema
"Oltin to‘p" egasi joriy mavsumning yarmini jarohatlari sababli o‘tkazib yuborishga majbur bo‘ldi. U o‘tgan yili 44 ta gol urishga erishgan edi. Fabrisio Romano oktyabr oyida 35 yoshli hujumchiga yangi bir yillik bitim taklif etilgani haqida xabar qilgandi. Ammo bir kelishimga kelinmagan. Fransuz hujumchisiga APLda da’vogalar bisyor. Ammo u hech bo‘lmasa yana bir yil "Real"da qolsa kerak.
Marko Asensio
Asensioning klubdagi kelajagi xavf ostida qolgan edi. U zaxirada o‘tirishga majbur bo‘layotgandi. Oxirgi paytlarda yarim himoyachi yaxshi natijalar qayd etmoqda. U 7 ta so‘nggi o‘yinda 6 ta golda ishtirok etdi. Fabrisio Romano Ispaniya terma jamoasi a’zosi vakillari va "Real" o‘rtasida, yangi bitim borasida muzokaralar bo‘layotganini aytgandi. Ammo hammasi futbolchining o‘ziga bog‘liq – yangi bitim yoki erkin agent maqomidagi xayrlashuv.
Toni Kroos
33 yoshli yarim himoyachi hali ham "Real" uchun o‘ta muhim figura. U bu mavsumning ko‘plab o‘yinlarida qatnashgandi. Futbolchi yaqindagina klub bilan yana bir yillik bitim imzolashiga ishora qilgan edi: "Hammasi o‘z yo‘lida davom etmoqda, klub xohishlarini hurmat qilaman. Men va rahbariyat doimo yaxshi aloqada bo‘lganmiz".
Luka Modrich
Xorvatiyalik afsona 37 yosh bo‘lishiga qaramay, dunyoning eng zo‘rlaridan biri sanaladi. U so‘nggi mundialda ham porlagan edi. U yaqindagina "An-Nasr"dan kelgan taklifga rad javobini berdi. "Real" maydon markazida kelajak uchun Kamavinga, Tchuameni va Valverde bor. Ammo Modrichsiz ular qiynalishadi. "Real" Modrich maydonda bo‘lmasa, boshqa jamoaga aylanib qoladi. Uni olib qolish esa o‘ta muhimdir.
Dani Sebalyos
Ispaniya terma jamoasi a’zosi 2017 yildan beri "qirollik klubi" bilan bo‘lib turibdi. U o‘z karyerasining asosini maydonda o‘tkazdi. Orada ikki yil "Arsenal"da harakat qilgan Sebalyos, o‘z taqdirini tezroq belgilashi kerak.
Nacho
Nacho "Real" bilan yirik sovrinlarni qo‘lga kiritgan. Ular ichida 3 ta liga chempionligi va beshta YECHL g‘olibligi mavjud. 32 yoshli himoyachi butun faoliyatini "Santiagu Bernabeu"da o‘tkazdi. Nacho 280 dan ortiq bahsda "Real" sharafini himoya qilgan edi. Yaqinda tarqalgan xabarlarga ko‘ra, Nacho o‘z taqdirini belgilab olishi kerak. Futbolchiga Angliya va Italiya klublari jiddiy qiziqish bildirmoqda.
Mariano Dias
Dias bu mavsumda barcha musobaqalarni hisobga olib aytganda, bor-yo‘g‘i 56 daqiqa davomida maydonda harakat qildi. Shu sabab hujumchining jamoadan ketishi katta ehtimoldir. Dias 2018 yilda "Real"ga qaytgan va shundan beri 67 ta uchrashuvfa 7 ta gol urdi. Ha, bu futbolchi o‘zi taqib yurgan mashhur yettinchi raqamga loyiq harakat qilmayapti.
ISMATOV J.
