Mashhur jurnalist Fabrisio Romano «Sevilya» hujumchisi Yusuf En-Nesirining kelajagi haqida gapirdi.
«Ayni damda Yusufning atrofi tinch, hech narsa sodir bo‘lmayapti. Ilgari u «Vest Xem»ga o‘tishga yaqin edi», - deydi Romano.
En-Nesirining ispan klubi bilan amaldagi shartnomasi 2025 yilning yoziga qadar mo‘ljallangan. Marokash terma jamoasi futbolchisi 15 million yevroga baholanmoqda.
Hujumchi joriy mavsum «Sevilya» safida 40 ta o‘yinda maydonga tushib, 17 ta gol urdi va 1 ta golga assistentlik qildi.
