Машҳур журналист Фабрицио Романо «Севилья» ҳужумчиси Юсуф Эн-Несирининг келажаги ҳақида гапирди.
«Айни дамда Юсуфнинг атрофи тинч, ҳеч нарса содир бўлмаяпти. Илгари у «Вест Хэм»га ўтишга яқин эди», - дейди Романо.
Эн-Несирининг испан клуби билан амалдаги шартномаси 2025 йилнинг ёзига қадар мўлжалланган. Марокаш терма жамоаси футболчиси 15 миллион еврога баҳоланмоқда.
Ҳужумчи жорий мавсум «Севилья» сафида 40 та ўйинда майдонга тушиб, 17 та гол урди ва 1 та голга ассистентлик қилди.













