"Chelsi" yarim himoyachisi Meyson Maunt Premyer-liganing to‘rtta klubining e’tiborida bo‘lib turibdi. Jurnalist Piter O'Rurkning xabar berishicha, hozirda "Liverpul" poygada peshqadamlik qilmoqda, ammo "Nyukasl", "Arsenal" va "Manchester Yunayted" ham futbolchiga ko‘z tikishmoqda.
"Liverpul"da transfer imkoniyati ko‘proq bo‘lishiga qaramay, Maunt Chempionlar ligasidan jamoaga o‘tish uchun mersisaydliklarni rad qilishi mumkin. Yurgen Klopp shogirdlarida hozircha Yevropa ligasiga chiqish imkoniyati yuqori, bu esa eng yuqori saviyadagi turnirda o‘ynashni istaydigan Mauntga to‘g‘ri kelmaydi.
Eslatib o‘tamiz, Meyson hali ham "Chelsi" bilan kelasi mavsum oxirida tugaydigan shartnomani uzaytirishi mumkin. Rahbariyat yozda 70 million yevroga sotilishi mumkin bo‘lgan 24 yoshli futbolchi bilan murosa topishga harakat qilmoqda.
