"Челси" ярим ҳимоячиси Мэйсон Маунт Премьер-лиганинг тўртта клубининг эътиборида бўлиб турибди. Журналист Питер О'Руркнинг хабар беришича, ҳозирда "Ливерпуль" пойгада пешқадамлик қилмоқда, аммо "Ньюкасл", "Арсенал" ва "Манчестер Юнайтед" ҳам футболчига кўз тикишмоқда.
"Ливерпуль"да трансфер имконияти кўпроқ бўлишига қарамай, Маунт Чемпионлар лигасидан жамоага ўтиш учун мерсисайдликларни рад қилиши мумкин. Юрген Клопп шогирдларида ҳозирча Европа лигасига чиқиш имконияти юқори, бу эса энг юқори савиядаги турнирда ўйнашни истайдиган Маунтга тўғри келмайди.
Эслатиб ўтамиз, Мэйсон ҳали ҳам "Челси" билан келаси мавсум охирида тугайдиган шартномани узайтириши мумкин. Раҳбарият ёзда 70 миллион еврога сотилиши мумкин бўлган 24 ёшли футболчи билан муроса топишга ҳаракат қилмоқда.













