"Chelsi" bosh murabbiyi Frenk Lempard "ko‘klar" rahbarligidagi yomon natijalar uning kelajakdagi murabbiylik faoliyatiga salbiy ta’sir ko‘rsatishidan qo‘rqmaydi. Eslatib o‘tamiz, angliyalik sobiq futbolchi "ko‘klar"ning vaqtinchalik murabbiyi hisoblanadi va mavsum oxirida o‘z lavozimini tark etadi.
“Menga atrofdagilarning nima deb o‘ylashlari qiziq emas. Bo‘layotgan hamma narsaning murakkabligini ko‘rmasdan xulosa chiqarish oson. Ayniqsa, mavsumning ushbu davrida qisqa vaqt ichida natijaga erishish juda qiyin. Men xavfni tushunib, mas’uliyatni o‘z zimmamga oldim", - dedi Lempard matbuot anjumanida.
Lempard qo‘l ostida "Chelsi" beshta o‘yinning barchasida mag‘lub bo‘ldi va bu davrda atigi bitta gol urdi.
