"Челси" бош мураббийи Фрэнк Лэмпард "кўклар" раҳбарлигидаги ёмон натижалар унинг келажакдаги мураббийлик фаолиятига салбий таъсир кўрсатишидан қўрқмайди. Эслатиб ўтамиз, англиялик собиқ футболчи "кўклар"нинг вақтинчалик мураббийи ҳисобланади ва мавсум охирида ўз лавозимини тарк этади.

“Менга атрофдагиларнинг нима деб ўйлашлари қизиқ эмас. Бўлаётган ҳамма нарсанинг мураккаблигини кўрмасдан хулоса чиқариш осон. Айниқса, мавсумнинг ушбу даврида қисқа вақт ичида натижага эришиш жуда қийин. Мен хавфни тушуниб, масъулиятни ўз зиммамга олдим", - деди Лэмпард матбуот анжуманида.

Лэмпард қўл остида "Челси" бешта ўйиннинг барчасида мағлуб бўлди ва бу даврда атиги битта гол урди.