"Tottenxem" bosh murabbiyi vazifasini bajaruvchi Rayan Meyson "shporlar" hujumchisi Xarri Keyn haqida fikr bildirdi.

"Bu yerda Angliyada odamlar Xarri Keynning qanchalik yaxshi ekanini qadrlashmaydi. U haqiqatan ham aql bovar qilmaydigan futbolchi. Uning murabbiyi bo‘lish baxt. Bu mamlakat bizda o‘ziga xos iste’dod egasi o‘ynayotganini qadrlashi kerak. Dunyoning eng yaxshi va eng aqlli o‘yinchilaridan biri", - deya Meyson so‘zlaridan iqtibos keltirgan insayder Fabrisio Romano.

29 yoshli hujumchi “Tottenxem” tarbiyalanuvchisi hisoblanadi. Joriy mavsumda u londonliklar safida barcha musobaqalarda 44 ta o‘yinda maydonga tushib, 26 ta gol urdi va 5 ta golli uzatmani amalga oshirdi. Keynning "shporlar" bilan shartnomasi 2024 yilning yozida yakuniga yetadi.