"Barselona" vinger Usmon Dembeleni o‘z safida saqlab qolishga qaror qildi.
Ma’lumki, “ko‘k-anorranglilar” bosh murabbiyi Xavi Ernandes fransiyalik futbolchining iqtidorini yuqori baholaydi va uni o‘z rejalarining muhim qismi deb biladi. Iyul oyida boshqa klublarga Dembeleni 50 million yevroga sotib olish imkonini beruvchi variant kuchga kiradi, ammo "Barselona" 25 yoshli futbolchini saqlab qolishga ishonchi komil - klub uni "daxlsiz" deb hisoblaydi va bu borada Xavini to‘liq qo‘llab-quvvatlaydi. Bu haqda insayder Fabrisio Romano xabar bermoqda. Futbolchining o‘zi ham ketishdan manfaatdor emas.
Usmon Dembele joriy mavsum “Barselona” safida 28 o‘yinda 8 ta gol va 7 ta golli uzatmaga mualliflik qildi.
