"Барселона" вингер Усмон Дембелени ўз сафида сақлаб қолишга қарор қилди.
Маълумки, “кўк-анорранглилар” бош мураббийи Хави Эрнандес франциялик футболчининг иқтидорини юқори баҳолайди ва уни ўз режаларининг муҳим қисми деб билади. Июль ойида бошқа клубларга Дембелени 50 миллион еврога сотиб олиш имконини берувчи вариант кучга киради, аммо "Барселона" 25 ёшли футболчини сақлаб қолишга ишончи комил - клуб уни "дахлсиз" деб ҳисоблайди ва бу борада Хавини тўлиқ қўллаб-қувватлайди. Бу ҳақда инсайдер Фабрицио Романо хабар бермоқда. Футболчининг ўзи ҳам кетишдан манфаатдор эмас.
Усмон Дембеле жорий мавсум “Барселона” сафида 28 ўйинда 8 та гол ва 7 та голли узатмага муаллифлик қилди.













