"Manchester Siti" sardori Ilkay Gyundogan yana bir bor kelajagi haqida gapirdi.
Yarim himoyachi "shaharliklar" bilan ikki oydan keyin tugaydigan shartnomani hali uzaytirgani yo‘q. Bundan tashqari, bir necha bor xabar qilinganidek, 32 yoshli futbolchi bilan "Barselona" muzokaralar olib bormoqda.
"Manchester Siti" sardori bo‘lish men uchun katta faxr. Hozir men har qachongidan ham ko‘proq rag‘batlanaman. Yaqin kelajakda o‘ynashimiz kerak bo‘lgan o‘yinlarni intiqlik bilan kutaman. Kelajagimga kelsak, men hali ham bir qarorga kelmaganman. Biz muzokaralarni davom ettiramiz. Tez orada hammasi ma’lum bo‘ladi", - dedi yarim himoyachi AS nashriga bergan intervyusida.
