"Манчестер Сити" сардори Илкай Гюндоган яна бир бор келажаги ҳақида гапирди.
Ярим ҳимоячи "шаҳарликлар" билан икки ойдан кейин тугайдиган шартномани ҳали узайтиргани йўқ. Бундан ташқари, бир неча бор хабар қилинганидек, 32 ёшли футболчи билан "Барселона" музокаралар олиб бормоқда.
"Манчестер Сити" сардори бўлиш мен учун катта фахр. Ҳозир мен ҳар қачонгидан ҳам кўпроқ рағбатланаман. Яқин келажакда ўйнашимиз керак бўлган ўйинларни интиқлик билан кутаман. Келажагимга келсак, мен ҳали ҳам бир қарорга келмаганман. Биз музокараларни давом эттирамиз. Тез орада ҳаммаси маълум бўлади", - деди ярим ҳимоячи AS нашрига берган интервьюсида.