Madridning «Atletiko» klubi Nike kompaniyasining kelasi yil uchun safar libosini taqdim etdi.

U klub uchun mutlaqo noan’anaviy oq va ko‘k ranglar bilan barchani hayratda qoldiradi («Portu»nikiga o‘xshab ketadi) - ammo, ma’lum bo‘lishicha, buning sababi bor.

Gap shundaki, «Atletiko» klubning 120 yilligini nishonlashga hozirlik ko‘rmoqda va shu sababli rahbariyat ushbu fursatdan foydalanib, libosini biroz yangilashga qaror qildi.

Eslatib o‘tamiz, «Atletiko Madrid» o‘n bir marta Ispaniya chempionligini qo‘lga kiritgan, bu oxirgi marta 2021 yilda sodir bo‘lgandi. Yakshanba kuni klub «Valyadolid»ga qarshi o‘ynaydi.