«Milan» va «Tottenxem» klublari «Nyukasl» yarim himoyachisi Allan Sent-Maksimenga qiziqish bildirmoqda, deya xabar beradi Mirror.

Manbaga ko‘ra, futbolchi jamoa bosh murabbiyi Eddi Xau bilan olib borilayotgan ishlardan qoniqmayapti.

Futbolchi keyingi transfer oynasida jamoani tark etmoqchi. «Nyukasl» Sen-Maksimenni tekinga qo‘yib yuorishga tayyor emas va fransiyalik futbolchi uchun kamida 56 million yevro olishni istamoqda. Futbolchiga asosiy da’vogarlar orasida «Milan» va «Tottenxem» nomlari bor.

Sen-Maksimen joriy mavsumda barcha turnirlarda 26 ta o‘yinda maydonga tushib, 1 ta gol urdi va 5 ta golli uzatmani amalga oshirdi.

Yarim himoyachining «Nyukasl» bilan shartnomasi 2026 yilgacha mo‘ljallangan.