"PSJ" markaziy himoyachisi Markinyos Fransiya chempionatining 33-turida "Loryan"dan uchralgan mag‘lubiyatdan (1:3) so‘ng o‘z fikrlari bilan o‘rtoqlashdi.
“Bizda iqtidor yetarli, bizda iroda bor va maqsadimiz juda aniq – biz Fransiya chempioni bo‘lishimiz kerak. Liga 1 chempionligi taqdiri hamon o‘z qo‘limizda, ustunlikni osonlikcha qo‘ldan boy bermasligimiz kerak. Biz ko‘p narsani yaxshilashimiz va o‘z kuchimizni ko‘rsatishimiz kerak, ayniqsa uy o‘yinlarida, - dedi braziliyalik himoyachi Canal+ telekanaliga.
