"Bavariya" bosh direktori Oliver Kan jamoaning joriy mavsumdagi o‘yini haqida fikr bildirdi.

“Biz hammani tanqidiy baholaymiz, hammasini tahlil qilamiz. Hozir bizda hammasi yaxshi deb o‘ylamaymiz. Lekin hozir bor e’tiborimni 100 foiz futbolga qaratganman. Albatta, kelasi yil ham shu yerdaman. Bir dono murabbiy shunday degan edi: "Bavariya"ga kelgan har bir kishi o‘zi nima uchun ro‘yxatdan o‘tganini bilishi kerak. Klub atrofida har doim ko‘p gap bo‘ladi, bu odatiy hol. Ammo bor e’tiborimni chempionatga qaratganman", - deydi Kan.

"Bavariya" rahbariyati 22 may kuni bosh murabbiy Tomas Tuxel bilan uchrashadi. Uchrashuvda klub bosh direktori Oliver Kan va sport direktori Hasan Salixamidjichning taqdiri ham muhokama qilinadi.