"Manchester Siti" yaqin orada markaziy himoyachisi Natan Ake bilan shartnomani uzaytirishi mumkin. The National Sport xabariga ko‘ra, "shaharliklar" niderlandiyalik futbolchi bilan yangi shartnoma tuzishga yaqin turibdi.

Manbaning xabar berishicha, yangi shartnoma uzoq muddatga mo‘ljallangan. Ake "Manchester Siti"da baxtli va Xosep Gvardiola qo‘l ostida davom etishni istaydi. Eslatib o‘tamiz, joriy mavsumda Natan "shaharliklar"ning asosiy tarkib futbolchisiga aylandi.

Ayni damda Ake jarohatidan tuzalib, tezroq maydonga qaytishga umid qilmoqda. Niderlandiyalik futbolchi o‘tgan yozda "Chelsi"ga o‘tishga yaqin kelgandi, ammo transfer amalga oshmadi.