"Манчестер Сити" яқин орада марказий ҳимоячиси Натан Аке билан шартномани узайтириши мумкин. The National Sport хабарига кўра, "шаҳарликлар" нидерландиялик футболчи билан янги шартнома тузишга яқин турибди.

Манбанинг хабар беришича, янги шартнома узоқ муддатга мўлжалланган. Аке "Манчестер Сити"да бахтли ва Хосеп Гвардиола қўл остида давом этишни истайди. Эслатиб ўтамиз, жорий мавсумда Натан "шаҳарликлар"нинг асосий таркиб футболчисига айланди.

Айни дамда Аке жароҳатидан тузалиб, тезроқ майдонга қайтишга умид қилмоқда. Нидерландиялик футболчи ўтган ёзда "Челси"га ўтишга яқин келганди, аммо трансфер амалга ошмади.