A Seriyaning 32-turidan o‘rin olgan "Roma"ga (1:1) qarshi o‘yinda jarohat olgan "Milan" himoyachisi Fikayo Tomori 3 may, chorshanba kuni "Kremoneze"ga qarshi o‘yinda maydonga tushmaydi.
"Chelsi"ning sobiq futbolchisi birinchi bo‘limdan so‘ng son qismidagi muammolar tufayli almashtirildi va dushanba kuni fizioterapevtlar nazorati ostida mashg‘ulot o‘tkazdi. Bundan tashqari, Tomori diskvalifikasiya sababli ushbu uchrashuvni o‘tkazib yuboradi.
Yarim himoyachi Tommaso Pobega va hujumchi Zlatan Ibrahimovich ham hozircha tarkibda mavjud emas. Tomori kabi bu futbolchilar ham dushanba kuni mashg‘ulotlarda individual tarzda shug‘ullanishdi.
"Milan" 32 turdan keyin 57 ochko bilan Italiya chempionati jadvalida beshinchi o‘rinda bormoqda. "Inter" va "Roma"ning ochkolari bir xil, "rossonerilar" rimliklar bilan Chempionlar ligasi yo‘llanmasi uchun kurashmoqda.
