А Сериянинг 32-туридан ўрин олган "Рома"га (1:1) қарши ўйинда жароҳат олган "Милан" ҳимоячиси Фикайо Томори 3 май, чоршанба куни "Кремонезе"га қарши ўйинда майдонга тушмайди.
"Челси"нинг собиқ футболчиси биринчи бўлимдан сўнг сон қисмидаги муаммолар туфайли алмаштирилди ва душанба куни физиотерапевтлар назорати остида машғулот ўтказди. Бундан ташқари, Томори дисквалификация сабабли ушбу учрашувни ўтказиб юборади.
Ярим ҳимоячи Томмасо Побега ва ҳужумчи Златан Ибраҳимович ҳам ҳозирча таркибда мавжуд эмас. Томори каби бу футболчилар ҳам душанба куни машғулотларда индивидуал тарзда шуғулланишди.
"Милан" 32 турдан кейин 57 очко билан Италия чемпионати жадвалида бешинчи ўринда бормоқда. "Интер" ва "Рома"нинг очколари бир хил, "россонерилар" римликлар билан Чемпионлар лигаси йўлланмаси учун курашмоқда.
