"Liverpul" yarim himoyachisi Jeyms Milner "Brayton"ga o‘tishga yaqin turibdi.

Sky Sports xabariga ko‘ra, transfer deyarli yakunlangan. 37 yoshli futbolchi mavsum yakunlanganidan so‘ng "Brayton"ga bepul transfer orqali qo‘shiladi. “Chag‘alaylar”dan tashqari futbolchining xizmatlariga “Byornli” ham qiziqdi, biroq Milner “Brayton” bosh murabbiyi Roberto de Zerbining ajoyib ishidan qoyil qoldi va o‘z klubi foydasiga tanlov qildi.

Milner 2015 yildan buyon "Liverpul"da to‘p suradi. Joriy mavsumda futbolchi barcha turnirlarni hisobga olgan holda 38 ta o‘yinda ishtirok etdi va ikkita golli uzatmani amalga oshirdi. Futbolchining klub bilan tuzgan shartnomasi kelasi yozda yakuniga yetadi.