"Arsenal" himoyachisi Aleksandr Zinchenko APLdagi chempionlik poygasi haqida gapirib, Angliya chempionatining joriy mavsumida "kanonirlar"ning g‘alabasiga ishonishda davom etishini aytdi.
"Agar siz g‘alaba qozonishingizga ishonmasangiz, o‘ynashdan foyda yo‘q. Shu sababli, men chempion bo‘lishimizga ishonaman. Birinchi kelganimda futbolchilarimizda ajoyib sifat va kuch borligini aytgandim. Agar mehnat qilsak, bu hayotda hamma narsa mumkin, dedim. Biz buni qilishga harakat qilyapmiz.
So‘nggi o‘yinlarga munosabatimizga kelsak, o‘zimizni tiklay oldik. Kayfiyatimiz va turnir jadvalidagi pozisiyamiz uchun normal hayotga qaytishimiz muhim. Biz davom etishimiz kerak. Afsuski, hozir hammasi o‘z qo‘limizda emas, lekin bu ligada nima bo‘lishini hech qachon bilmaysan. Biz kurashni davom ettirishimiz kerak, chunki biz bu mavsumda qattiq mehnat qildik", - dedi Zinchenko Yahoo Sports bilan suhbatda.
