"Арсенал" ҳимоячиси Александр Зинченко АПЛдаги чемпионлик пойгаси ҳақида гапириб, Англия чемпионатининг жорий мавсумида "канонирлар"нинг ғалабасига ишонишда давом этишини айтди.
"Агар сиз ғалаба қозонишингизга ишонмасангиз, ўйнашдан фойда йўқ. Шу сабабли, мен чемпион бўлишимизга ишонаман. Биринчи келганимда футболчиларимизда ажойиб сифат ва куч борлигини айтгандим. Агар меҳнат қилсак, бу ҳаётда ҳамма нарса мумкин, дедим. Биз буни қилишга ҳаракат қиляпмиз.
Сўнгги ўйинларга муносабатимизга келсак, ўзимизни тиклай олдик. Кайфиятимиз ва турнир жадвалидаги позициямиз учун нормаль ҳаётга қайтишимиз муҳим. Биз давом этишимиз керак. Афсуски, ҳозир ҳаммаси ўз қўлимизда эмас, лекин бу лигада нима бўлишини ҳеч қачон билмайсан. Биз курашни давом эттиришимиз керак, чунки биз бу мавсумда қаттиқ меҳнат қилдик", - деди Зинченко Yahoo Sports билан суҳбатда.
