"Chelsi" Madridning "Atletiko" klubi hujumchisi Joau Feliksni yana bir mavsumga ijaraga olmoqchi, deya xabar beradi Marca.
Manbaga ko‘ra, londonliklar "Atletiko" talab qilayotgan 23 yoshli portugaliyalik uchun 100 million yevro to‘lashga tayyor emas.
"Chelsi" shu yilning yanvar oyida Feliksni ijaraga olgandi. U "ko‘klar" safida 16 ta o‘yinda maydonga tushib, 2 ta gol urgan. Transfermarkt portali hujumchining narxini 50 million yevroga baholamoqda.