"Челси" Мадриднинг "Атлетико" клуби ҳужумчиси Жоау Феликсни яна бир мавсумга ижарага олмоқчи, дея хабар беради Marca.
Манбага кўра, лондонликлар "Атлетико" талаб қилаётган 23 ёшли португалиялик учун 100 миллион евро тўлашга тайёр эмас.
"Челси" шу йилнинг январь ойида Феликсни ижарага олганди. У "кўклар" сафида 16 та ўйинда майдонга тушиб, 2 та гол урган. Transfermarkt портали ҳужумчининг нархини 50 миллион еврога баҳоламоқда.