«Chelsi» yarim himoyachisi Ruben Loftus-CHik hamon «Milan»ning transfer maqsadi bo‘lib turibdi, deya xabar beradi ijtimoiy tarmoq insayderi Rudi Galetti.
Manbaning xabariga ko‘ra, «rossonerilar» futbolchining transferi bo‘yicha «aristokratlar»ga taklif bilan chiqishga tayyorlanmoqda.
O‘z navbatida, ingliz giganti Rubenni keyingi yozda sotishga qarshi emas. Potensial kelishuv summasi 25 million yevroga baholanmoqda.
Angliya premyer-ligasining joriy mavsumida yarim himoyachi 20 ta bahsda gol urmagan. Futbolchi va «Chelsi» o‘rtasidagi amaldagi mehnat shartnomasi 2024 yilning o‘rtalariga qadar tuzilgan.
