«Челси» ярим ҳимоячиси Рубен Лофтус-Чик ҳамон «Милан»нинг трансфер мақсади бўлиб турибди, дея хабар беради ижтимоий тармоқ инсайдери Руди Галетти.
Манбанинг хабарига кўра, «россонерилар» футболчининг трансфери бўйича «аристократлар»га таклиф билан чиқишга тайёрланмоқда.
Ўз навбатида, инглиз гиганти Рубенни кейинги ёзда сотишга қарши эмас. Потенциал келишув суммаси 25 миллион еврога баҳоланмоқда.
Англия премьер-лигасининг жорий мавсумида ярим ҳимоячи 20 та баҳсда гол урмаган. Футболчи ва «Челси» ўртасидаги амалдаги меҳнат шартномаси 2024 йилнинг ўрталарига қадар тузилган.
