Angliya chempionatining 35-turida “Aston Villa” safarda “Vulverxempton”dan yagona gol o‘tkazib yuborib, mag‘lub bo‘ldi. Unai Emeri shogirdlari deyarli har bir uchrashuvda gol urishga muvaffaq bo‘lishsa-da, bu safar “bo‘rilar”ni ranjita olmadi. Ispaniyalik murabbiy o‘yindan mamnun ekanini, ammo natijadan mamnun emasligini aytdi.
"Birinchi bo‘limda men judayam xursand bo‘ldim, lekin natijadan emas, o‘yindan. Biz to‘pni nazorat qildik va ularning yuqori bosimiga dosh berdik. Bizda gol urish uchun imkoniyatlar bo‘ldi, ammo vaziyatlarni golga aylantira olmadik. Ikkinchi bo‘limda "bo‘rilar"da ham imkoniyatlar bo‘ldi. Biz “Tottenxem”dan uch ochko ortda qolyapmiz, kelasi hafta bizni ular bilan o‘yin kutib turibdi, biz g‘alaba qozonishga va Yevropa uchun beriladigan yo‘llanma uchun kurashni davom ettirishga harakat qilamiz", - dedi Emeri BBC Sport bilan suhbatda.
