“Chelsi” hujumchisi Pyer-Emerik Obameyang yozgi transfer oynasida “Barselona”ga qaytishi mumkin. Bu haqda Sport.es nashri xabar bermoqda.

Biroq ispan klubi 33 yoshli futbolchini faqat tekin transfer evaziga o‘z safiga qo‘shib olishga tayyor. "Chelsi"ning rejalariga kirmagan Obameyang bilan shartnomani bekor qilish bo‘yicha muzokaralar olib borilmoqda, ammo ular hali muvaffaqiyatga erishmagan.

Pyer-Emerik Obameyang 2022 yilning yanvaridan avgustigacha "Barselona" futbolchisi bo‘lgan. Jamoa safida 24 ta o‘yinda maydonga tushgan gabonlik hujumchi 13 ta gol va 1 ta golli uzatmani amalga oshirgan. Obameyang joriy mavsumda "Chelsi"da o‘ynamoqda. "Ko‘klar" gabonlik hujumchi uchun 12 million yevro to‘lagan. "Auba" "ko‘klar" safida 21ta o‘yinda maydonga tushib, 3ta gol va 1ta golli uzatmani amalga oshirgan.