«Manchester Yunayted» «Vest Xem»ga qarshi o‘yinda mag‘lub bo‘lgach, «qizil iblislar»ning sobiq himoyachisi Rio Ferdinand ispaniyalik darvozabon David de Xeaga savollari borligini aytdi.
Uning fikricha, de Xea klub ustozi, gollandiyalik mutaxassis Erik ten Xag undan talab qilayotgan o‘yin uslubiga dosh berolmaydi.
«Unga savol shuki, u Erik ten Xag uslubiga mos keladimi? U shunchaki darvozabon emas, balki yetakchi hamdir.
O‘ylaymanki, biz bunga javobni mavsum oxirida, Ten Xag o‘z fikrini bildirganda bilib olamiz», deya Ferdinandning so‘zlarini keltiradi BT Sport.
