Neymar yozda "PSJ"ni tark etishi mumkin.
Avvalroq, "PSJ" ultras klub ofisi yaqinida Lionel Messi, Neymar, Marko Verratti va "PSJ" prezidenti Nosir Al-Xelayfidan klubni tark etishni talab qilib, norozilik namoyishi o‘tkazgan edi. Muxlislarning bir qismi Neymarning uyiga kelishdi - ular: "Neymar, yo‘qol!", deb baqirishdi.
Telefoot nashrining yozishicha, muxlislarning xatti-harakati Neymarni hayratda qoldirgan, ammo hujumchi polisiyaga shikoyat qilishni rejalashtirmayapti. Shuningdek, braziliyalik futbolchi yozda jamoani tark etish haqida o‘ylayotgani aytilmoqda.
Oldinroq L'Equipe nashri "PSJ" Neymarni sotib olish sharti bilan ijaraga berishi mumkinligi haqida xabar bergan edi.
