Eden Azar «Real» bilan amaldagi shartnomasi tugaganidan keyin faoliyatini yakunlash variantini jiddiy ko‘rib chiqmoqda.

Belgiyalik vinger avvalroq Madrid klubida kelasi mavsumda qolish niyatini tasdiqlagan, uning shartnomasi 2024 yilning o‘rtalarida yakuniga yetadi. Keyin, 33 yoshida Azar butsasini mixga osib qo‘yishi mumkin, deb yozadi Relevo.

Manbaga ko‘ra, Azar futbolda o‘zini maksimal darajada ko‘rsatib bo‘lganini his qilmoqda. U bolaligidan o‘ynashni orzu qilgan «Real Madrid»dagi faoliyatini yakunlamoqchi.

Shu bilan birga, AQSH va arab mamlakatlari klublari Azar atrofidagilar bilan bog‘langani, biroq hozircha aniq takliflar bo‘lmagani qayd etilgan.