«Manchester Siti» hujumchisi Erling Xoland o‘tgan yozda ingliz klubi safiga qo‘shildi.

Jurnalist Pol Xyorstning so‘zlariga ko‘ra, norvegiyalik futbolchi «shaharliklar» safida uch mavsum o‘ynashni rejalashtirgan, shundan so‘ng u boshqa jamoaga o‘tadi.

Biroq, manbaga ko‘ra, Xoland «Manchester Siti»dan shunchalik zavqlanganki, Erling endi jamoada yuqoridagi muddatdan tashqari yana bir mavsum qolishni rejalashtirmoqda.

Eslatib o‘tamiz, debyut mavsumida norvegiyalik futbolchi Premyer-ligada 35 ta gol urdi. Xolandning «Manchester Siti» bilan shartnomasi 2027 yilgacha tuzilgan.