«Манчестер Сити» ҳужумчиси Эрлинг Холанд ўтган ёзда инглиз клуби сафига қўшилди.
Журналист Поль Хёрстнинг сўзларига кўра, норвегиялик футболчи «шаҳарликлар» сафида уч мавсум ўйнашни режалаштирган, шундан сўнг у бошқа жамоага ўтади.
Бироқ, манбага кўра, Холанд «Манчестер Сити»дан шунчалик завқланганки, Эрлинг энди жамоада юқоридаги муддатдан ташқари яна бир мавсум қолишни режалаштирмоқда.
Эслатиб ўтамиз, дебют мавсумида норвегиялик футболчи Премьер-лигада 35 та гол урди. Холанднинг «Манчестер Сити» билан шартномаси 2027 йилгача тузилган.
