"Chelsi" klubi "Atletiko Madrid"dan portugaliyalik hujumchi Joau Feliksni to‘liq transfer qilish imkoniyatlarini ko‘rib chiqmoqda, deb xabar beradi Evening Standard.
Manba bergan xabarga ko‘ra, londonliklar "matraschilar"ga himoyachi Mark Kukurelya va hujumchi Pyer-Emerik Obameyangni berishga tayyor. "Ko‘klar" o‘yinchilarni Feliksni sotib olish shartnomasiga qo‘shmoqchi.
Oldinroq "Chelsi" Madrid klubi so‘ragan 100 million yevroni to‘lashga tayyor emasligi xabar qilingandi.
"Chelsi" shu yilning yanvar oyida Feliksni ijaraga olgandi. U "aristokratlar" safida 17ta o‘yinda maydonga tushib, 3ta gol urgan. Transfermarkt portali hujumchining narxini 50 million yevroga baholamoqda.
