"Челси" клуби "Атлетико Мадрид"дан португалиялик ҳужумчи Жоау Феликсни тўлиқ трансфер қилиш имкониятларини кўриб чиқмоқда, деб хабар беради Evening Standard.
Манба берган хабарга кўра, лондонликлар "матрасчилар"га ҳимоячи Марк Кукурелья ва ҳужумчи Пьер-Эмерик Обамеянгни беришга тайёр. "Кўклар" ўйинчиларни Феликсни сотиб олиш шартномасига қўшмоқчи.
Олдинроқ "Челси" Мадрид клуби сўраган 100 миллион еврони тўлашга тайёр эмаслиги хабар қилинганди.
"Челси" шу йилнинг январь ойида Феликсни ижарага олганди. У "аристократлар" сафида 17та ўйинда майдонга тушиб, 3та гол урган. Transfermarkt портали ҳужумчининг нархини 50 миллион еврога баҳоламоқда.
