«Manchester Siti» barcha musobaqalarni hisobga olgan holda yigirma bir uchrashuvda mag‘lub bo‘lmadi.
Bu Chempionlar Ligasi doirasida «Real»ga qarshi so‘nggi o‘yinda sodir bo‘lishi mumkin edi, madridliklar uzoq vaqt oldinda edi, ammo yakunda «Manchester Siti» kambek qilishga muvaffaq bo‘ldi.
«Manchester Siti» so‘nggi bor fevral oyi boshida «Tottenxem»ga mag‘lub bo‘lgandi. 21 o‘yindan iborat mag‘lubiyatsiz seriyasida «Manchester Siti» o‘n yetti o‘yinda g‘alaba qozongan va bor-yo‘g‘i to‘rt marta durang o‘ynagan.
«Real» va «Manchester Siti» o‘rtasidagi javob uchrashuvi 17 may kuni bo‘lib o‘tadi. Eslatib o‘tamiz, «Real Madrid» Chempionlar ligasining amaldagi g‘olibi hisoblanadi.
