"Napoli"da o‘ynayotgan 26 yoshli italiyalik darvozabon Aleks Meret Italiya chempionatini Angliya Premyer-ligasiga o‘zgartirishi mumkin. Bu haqda Todofichajes sahifalarida xabar berilgan.
Manbaga ma’lum bo‘lishicha, Aleksning xizmatlariga Londonning "Tottenxem" klubi qiziqmoqda. "Shporlar" Meretni fransiyalik Ugo Lorisga muqobil sifatida ko‘rmoqda. Transfermarkt portali Aleksning narxini 18 million yevroga baholamoqda.
Italiya chempionatining joriy mavsumida Aleks 32 ta o‘yinda qatnashib, o‘z darvozasidan 23 ta gol o‘tkazib yuborgan. 15 uchrashuvda darvozabon o‘z darvozasi daxlsizligini saqlab qoldi.
