"Наполи"да ўйнаётган 26 ёшли италиялик дарвозабон Алекс Мерет Италия чемпионатини Англия Премьер-лигасига ўзгартириши мумкин. Бу ҳақда Todofichajes саҳифаларида хабар берилган.
Манбага маълум бўлишича, Алекснинг хизматларига Лондоннинг "Тоттенхэм" клуби қизиқмоқда. "Шпорлар" Меретни франциялик Уго Лорисга муқобил сифатида кўрмоқда. Transfermarkt портали Алекснинг нархини 18 миллион еврога баҳоламоқда.
Италия чемпионатининг жорий мавсумида Алекс 32 та ўйинда қатнашиб, ўз дарвозасидан 23 та гол ўтказиб юборган. 15 учрашувда дарвозабон ўз дарвозаси дахлсизлигини сақлаб қолди.
