"Arsenal" yozda Granit Jakani qo‘yib yuborishga tayyor.

Oldinroq "Bayer" 30 yoshli yarim himoyachining transferi ustida ishlayotgani ma’lum bo‘lgandi. Kicker xabariga ko‘ra, London klubi shveysariyalikni 15 million yevroga sotishga tayyor.

Bir yil oldin Leverkuzen klubi Jakani o‘z safiga qo‘shib olishga urinib ko‘rdi, ammo o‘shanda "Arsenal" transfer uchun 30 million yevro talab qildi. Nemislar bunday summani to‘lamadi.

Granitning Bundesligaga o‘tishiga shaxsiy sabablar ta’sir qilishi mumkin. Futbolchining Myonxengladbaxning "Borussiya" klubida o‘ynab yurganida tanishgan rafiqasi anchadan beri Germaniyaga qaytishni orzu qilgandi.

Ma’lumot o‘rnida, Jaka "Arsenal"da 2016 yildan beri o‘ynab kelmoqda.