"Арсенал" ёзда Гранит Жакани қўйиб юборишга тайёр.

Олдинроқ "Байер" 30 ёшли ярим ҳимоячининг трансфери устида ишлаётгани маълум бўлганди. Kicker хабарига кўра, Лондон клуби швейцарияликни 15 миллион еврога сотишга тайёр.

Бир йил олдин Леверкузен клуби Жакани ўз сафига қўшиб олишга уриниб кўрди, аммо ўшанда "Арсенал" трансфер учун 30 миллион евро талаб қилди. Немислар бундай суммани тўламади.

Гранитнинг Бундеслигага ўтишига шахсий сабаблар таъсир қилиши мумкин. Футболчининг Мёнхенгладбахнинг "Боруссия" клубида ўйнаб юрганида танишган рафиқаси анчадан бери Германияга қайтишни орзу қилганди.

Маълумот ўрнида, Жака "Арсенал"да 2016 йилдан бери ўйнаб келмоқда.