Mateo Kovachich ushbu yozda "Chelsi"ni tark etishi mumkin.

Yarim himoyachining London klubi bilan shartnomasi 2024 yilgacha mo‘ljallangan va uni uzaytirish ehtimoli katta emas. “Ko‘klar” yozda futbolchini sotib yuborishi mumkin, deb yozmoqda The Guardian.

Xorvatiyalik futbolchi "Chelsi" yozgi transfer oynasida qo‘shimcha mablag‘ yig‘ish uchun sotadigan futbolchilardan biri bo‘lishi mumkin.

29 yoshli futbolchining xizmatlariga "Bavariya" qiziqish bildirmoqda. Myunxenliklar bosh murabbiyi Tomas Tuxel Kovachich bilan "Chelsi"da ishlagan. "Siti" ham vaziyatni kuzatib bormoqda va agar Ilkay Gyundogan jamoani tark etsa, yarim himoyaga yangi kuch kerak bo‘ladi.

Yarim himoyachi uchun kurashda bu klublar uchun raqobatchi "Manchester Yunayted" bo‘lishi mumkin.

Kovachich joriy mavsumda APLda 25 ta o‘yinda maydonga tushib, 1 ta gol va 2 ta golli uzatmaga mualliflik qilgan.