Матео Ковачич ушбу ёзда "Челси"ни тарк этиши мумкин.
Ярим ҳимоячининг Лондон клуби билан шартномаси 2024 йилгача мўлжалланган ва уни узайтириш эҳтимоли катта эмас. “Кўклар” ёзда футболчини сотиб юбориши мумкин, деб ёзмоқда The Guardian.
Хорватиялик футболчи "Челси" ёзги трансфер ойнасида қўшимча маблағ йиғиш учун сотадиган футболчилардан бири бўлиши мумкин.
29 ёшли футболчининг хизматларига "Бавария" қизиқиш билдирмоқда. Мюнхенликлар бош мураббийи Томас Тухель Ковачич билан "Челси"да ишлаган. "Сити" ҳам вазиятни кузатиб бормоқда ва агар Илкай Гюндоган жамоани тарк этса, ярим ҳимояга янги куч керак бўлади.
Ярим ҳимоячи учун курашда бу клублар учун рақобатчи "Манчестер Юнайтед" бўлиши мумкин.
Ковачич жорий мавсумда АПЛда 25 та ўйинда майдонга тушиб, 1 та гол ва 2 та голли узатмага муаллифлик қилган.
