«Inter» hujumchisi Edin Jeko jamoa bilan shartnomani uzaytirishga rozi bo‘ldi. Football News 24 xabariga ko‘ra, bosniyalik hujumchi yana bir mavsum klubda qoladi.

Avvalroq Jeko va «Inter» yangi shartnoma shartlari bo‘yicha kelisha olmagandi. Shunga qaramay, manbaga ko‘ra, tomonlar o‘rtasida murosaga erishilgan.

Joriy mavsumda «Chelsi»dan Romelu Lukaku ijara asosida ortga qaytganiga qaramay, Jeko «Inter»ning asosiy hujumchisi hisoblanadi.

37 yoshli Edin joriy mavsum A Seriyada 9 ta gol urdi va 3 ta golli uzatmani amalga oshirdi. Jeko Chempionlar ligasida 4 ta gol va bitta golli uzatmaga ega.