«Интер» ҳужумчиси Эдин Жеко жамоа билан шартномани узайтиришга рози бўлди. Football News 24 хабарига кўра, босниялик ҳужумчи яна бир мавсум клубда қолади.

Аввалроқ Жеко ва «Интер» янги шартнома шартлари бўйича келиша олмаганди. Шунга қарамай, манбага кўра, томонлар ўртасида муросага эришилган.

Жорий мавсумда «Челси»дан Ромелу Лукаку ижара асосида ортга қайтганига қарамай, Жеко «Интер»нинг асосий ҳужумчиси ҳисобланади.

37 ёшли Эдин жорий мавсум А Серияда 9 та гол урди ва 3 та голли узатмани амалга оширди. Жеко Чемпионлар лигасида 4 та гол ва битта голли узатмага эга.