Brunu Fernandesh "MYU" mavsum oxirida Chempionlar ligasiga yo‘l olishi shartligini aytdi.
"Biz Chempionlar ligasida o‘ynashni xohlaymiz. Bu klub bunga loyiq, bu klub u yerda bo‘lishi kerak. O‘ylaymanki, bizning futbolchilar ham u yerda bo‘lishga loyiq, chunki bizda bu mavsumda ajoyib ish olib borayotgan ajoyib jamoa bor, vaholanki, hech kim "MYU" kuchli to‘rttlik uchun kurasha oladi deb o‘ylamagandi.
Bilamizki, hozir hamma: “MYU” yaxshi” - deb aytmoqda. Lekin mavsum boshida hamma jamoamiz kuchli oltitalikka kira olmaydi deb o‘ylaganini eslayman. O‘ylaymanki, biz bu odamlarga yaxshi syurpriz qildik, ammo bu natija bizni ajablantirmadi. Biz hozir qayerda bo‘lishimiz mumkinligini bilardik. Jadvalda bundan ham yuqori o‘rinlarni egallashimiz mumkinligini bilamiz.
Bizda pasayishlar bo‘ldi. Biz kuchli to‘rtlik uchun kurashyapmiz. Lekin o‘ylaymanki, tez orada bu klub va bu futbolchilar yanada kattaroq narsalar uchun kurashadi", - dedi “Manchester Yunayted” yarim himoyachisi.
"MYU" APL turnir jadvalida 4-o‘rinda uchinchi o‘rindagi "Nyukasl"dan 2 ochko ortda bormoqda.
Ertaga, 13 may kuni "Manchester Yunayted" o‘z maydonida "Vulverxempton" bilan o‘ynaydi. Uchrashuv Toshkent vaqti bilan soat 19:00da boshlanadi.
