Бруну Фернандеш "МЮ" мавсум охирида Чемпионлар лигасига йўл олиши шартлигини айтди.
"Биз Чемпионлар лигасида ўйнашни хоҳлаймиз. Бу клуб бунга лойиқ, бу клуб у ерда бўлиши керак. Ўйлайманки, бизнинг футболчилар ҳам у ерда бўлишга лойиқ, чунки бизда бу мавсумда ажойиб иш олиб бораётган ажойиб жамоа бор, ваҳоланки, ҳеч ким "МЮ" кучли тўрттлик учун кураша олади деб ўйламаганди.
Биламизки, ҳозир ҳамма: “МЮ” яхши” - деб айтмоқда. Лекин мавсум бошида ҳамма жамоамиз кучли олтиталикка кира олмайди деб ўйлаганини эслайман. Ўйлайманки, биз бу одамларга яхши сюрприз қилдик, аммо бу натижа бизни ажаблантирмади. Биз ҳозир қаерда бўлишимиз мумкинлигини билардик. Жадвалда бундан ҳам юқори ўринларни эгаллашимиз мумкинлигини биламиз.
Бизда пасайишлар бўлди. Биз кучли тўртлик учун курашяпмиз. Лекин ўйлайманки, тез орада бу клуб ва бу футболчилар янада каттароқ нарсалар учун курашади", - деди “Манчестер Юнайтед” ярим ҳимоячиси.
"МЮ" АПЛ турнир жадвалида 4-ўринда учинчи ўриндаги "Ньюкасл"дан 2 очко ортда бормоқда.
Эртага, 13 май куни "Манчестер Юнайтед" ўз майдонида "Вулверхэмптон" билан ўйнайди. Учрашув Тошкент вақти билан соат 19:00да бошланади.
